ನಾಡಿನಲ್ಲಿ ಗೂಡು ಇಲ್ಲದಾಗಿತ್ತು .......

ಕಾಡ ನಾಡಿನಲ್ಲಿ ಆ ಜೋಡಿ ಹಕ್ಕಿಗಳು
ಕಳಯೂತಿದ್ದವು ಕಲೆತು ದಿನಗಳ ......

ಮತ್ತ್ಯಾಕೋ ಅಂದು ಬಂದಿತ್ತು ಗತ್ತು
ಮೊದಲ ಹಕ್ಕಿ ಹಾರುತಿದೆ ಅತ್ತ
ಇತ್ತ ಸುತ್ತ ಮುತ್ತ ..........

ಇನ್ನಸ್ಟು ಕಾಳು ಹೆಕ್ಕುವ ತವಕದತ್ತ.....
ಮತ್ತೆ ಕಾಣುತಿದೆ ಬಯಲು ದಾರಿ ಅತ್ತ .......

ಅದೇನೋ ಯಾಕೋ ಹೆಚ್ಚು ಕೂಳ ಕೂಡಿರುವ ಆಸೆ
ಮತ್ತಷ್ಟು ದೂರ ಮತ್ತಷ್ಟು ದೂರ ಹಾರುತಿದೆ
ಗೂಡ ಬಿಟ್ಟು ಬಲು ದೂರ ......

ತಿರುಗಿ ನೋಡಲೇ ಇಲ್ಲ ಮರೆತಿರುವ ನಾಡ
ಮತ್ತಾರು ಇರಲಿಲ್ಲ ಅದರ ಸಂಗಡ........

ಕಾಳೆನೋ ಸಿಕ್ಕಿತ್ತು ಒಂಟಿ ಹಕ್ಕಿ ಎದಯಲಿ ನೋವಿತ್ತು
ಮತ್ತೆ ಗೂಡ ಸೇರುವ ತವಕದಲ್ಲಿ ಅದು ಇತ್ತು ..........

ಬಂದ ಹಾದಿಯಲಿ ಸಾಗಿತ್ತು
ಆದರಲ್ಲಿ ನಿರಾಶೆ ಕಾದಿತ್ತು.........

ಕಾಡ ನಾಡಿನಲ್ಲಿ ಗೂಡು ಇಲ್ಲದಾಗಿತ್ತು
ಕಳೆದ ಸಿಹಿ ಗಳಿಗೆಯ ನೆನಪಾಗಿ
ಹಕ್ಕಿ ಮತ್ತೆ ಮತ್ತೆ ಬಿಕ್ಕಿ ಅತ್ತಿತ್ತು
ಹಕ್ಕಿ ಮತ್ತೆ ಬಿಕ್ಕಿ ಅತ್ತಿತ್ತು.........